FIFA 2026 жылғы футболдан әлем чемпионаты финалының добын таныстырды

Халықаралық футбол федерациясы (FIFA) 2026 жылғы футболдан әлем чемпионатының финалдық матчында қолданылатын Trionda Final атты ресми доптың суреттерін жариялады, деп хабарлайды Zakon.kz.

Әлемдік футбол ұйымының баспасөз қызметінің мәліметінше, жаңа доптың ішкі құрылымы қазіргі әлем чемпионатында қолданылып жүрген Trionda үлгісімен толықтай бірдей.

"Бүкіл әлем қарап тұрған сәтте әрбір жанасудың маңызы зор. Назарларыңызда – Trionda Final", – деп мәлімдеді FIFA.

Trionda Final добы ақ түсте жасалған. Оның бетінде қара және алтын түсті өрнектер, сондай-ақ қызыл түсті бөлшектер бар. Сонымен қатар допқа қазіргі әлем чемпионатының матчтарын қабылдап жатқан қалалардың атаулары жазылған.

Қазіргі уақытта 2026 жылғы әлем чемпионатының алтын жүлдесін қай құраманың жеңіп алатыны әзірге белгісіз.

Осы уақытқа дейін турнирдің келесі кезеңіне өткен алты құрама анықталды және олар чемпиондық атақ үшін күресті жалғастырып жатыр.

Сурет: Instagram/fifaworldcup

Айта кетейік, әлемнің қазіргі чемпионы Аргентина құрамасы ширек финалға жолдаманы бүгін кешкі 21:00-де Мысыр құрамасына қарсы өтетін матчта сарапқа салады.