Энергетика министрі: Тасқын болған өңірлерде 5 мыңнан астам абонент жарықсыз отыр
© Сурет: pixabay
Тасқын болған өңірлерде 5 мыңнан астам абонент жарықсыз отыр. Бұл туралы Энергетика министрі Алмасадам Сәтқалиев баяндады. Бүгін Үкіметте жылыту маусымының қорытындысы мен алдағы қысқа дайындық мәселесі қаралған болатын.
Жауапты ведомства басшысының айтуынша, биыл тозығы жеткен жылу электр станцияларын күрделі жөндеу көзделген. Премьер-Министр маңызды шаруаға әкімдердің жеке жауап беретінін қатаң ескертті.
Алдыңғы апаттардан сабақ алса керек, биыл Үкімет жылыту маусымына ертерек қамданып жатыр. Энергетика министрі Алмасадам Сәтқалиевтің айтуынша, жаздай 10 энергоблок, 55 қазандық пен 45 турбинаны күрделі жөндеу көзделген, деп жазады qazaqstan.tv.
20 мың шақырымнан астам электр желісі де жаңарады. Электр желісі демекші, Сәтқалиев тасқын салдарынан жарықсыз қалған ауылдарға қайта тоқ беру жұмыстары жайлы да баяндады. Айтуынша, әлі 5 мың абонент жарықсыз отыр.
Ал Үкімет басшысы бұл жұмыстарды созбай уақтылы жүзеге асыруды тапсырды да нақты мерзімдерді белгілеп берді. Солтүстік және шығыс өңірлерде 15 қыркүйек, ал қалған аймақтарда 15 қазанға дейін жылу орталықтары жөнделіп бітуі керек. Әрі Премьер-Министр әкімдерге кабинетте отыра бермей, жөндеу жұмыстарының қалай іске асып жатқанын басы-қасында жүріп бақылауды тапсырды. Ал шаруаны мандыта алмаса, жазалайтынын да ескертті. Үкімет басшысы Олжас Бектеновтың айтуынша, апатты жағдайда тұрған жылу электр орталықтары биыл жаңғыртылуы тиіс.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:04, 20 мамыр 2024
Юлия Путинцева WTA 500 турнирінің екінші кезеңіне өте алмады
-
21:47, 20 мамыр 2024
Павлодар облысында ата-ана үш күн бойы балаларын сыртқа шығармай, мектепке де жібермеген
-
21:18, 20 мамыр 2024
Шымкентте 24 жастағы келіншек үшем дүниеге әкелді
-
20:43, 20 мамыр 2024
Ірі компаниялар БҚО-да су тасқынынан зардап шеккендерге тұрғын үй салуға және сатып алуға көмектеседі
-
20:12, 20 мамыр 2024
Нұртілеу Лавровпен келіссөздер өткізді