Елімізде тұрмыстық зорлық-зомбылықтың алдын алу және әйел мен бала құқығын қорғау айтарлықтай қолға алынған

Қазақстанда тұрмыстық зорлық-зомбылықтың алдын алу және әйелдер мен балалардың құқықтарын қорғау шараларын нығайту бойынша белсенді жұмыс жүргізілуде, деп хабарлайды Zakon.kz.

Үкімет мәліметінше, 2024 жылы полицияға тұрмыстық зорлық-зомбылық туралы 100 мыңға жуық хабарлама келіп түскен. Оның ішінде 72 мың қорғау нұсқамасы, сондай-ақ 16 мың жағдай бойынша сот шешімдері қабылданды.

"Сондай-ақ зорлық-зомбылық құрбандарына арналған дағдарыс орталықтарына айтарлықтай көңіл бөлінеді. Бүгінде елімізде осындай 69 орталық жұмыс істейді",- делінген мәліметте.

Оған жыл басынан бері 5,5 мың әйел, оның ішінде 3,7 мыңы балалары бар ана жүгінген.

Мәселен, соңғы 5 жылда әйелдер құқығына қол сұғатын қылмыстар саны екі есеге азайған. Атап айтқанда келесідей қысқарды.

• зорлық-зомбылық қылмыстары 37,9%-ға,
• кісі өлтіру 49,3%-ға,
• ауыр дене жарақатын салу 8,7%-ға.

Сондай-ақ, балалар құқықтарын қорғау және кәмелетке толмағандар арасындағы қылмыстың алдын алу саласында 12 мыңнан астам профилактикалық іс-шара өткізілді.

Сурет: primeminister.kz

Сонымен қатар жыл басынан бері 35 мыңнан астам заңсыз интернет-ресурс, оның ішінде суицид пен зорлық-зомбылықты насихаттайтын 127 сайт анықталды.

Сурет: primeminister.kz

Бұған дейін Қазақстанда бала асырап алуды жоспарлаған үміткерлерге қойылатын талаптардың қатаңдатылатыны хабарланған болатын.