Әйелдер күресінен Азия чемпионаты: Жәмила Бақбергенова алтын медаль жеңіп алды

Әйелдер күресінен Иорданияның Амман қаласында өтіп жатқан Азия чемпионатында Жәмила Бақбергенова 72 келіге дейінгі салмақ дәрежесінде чемпион атанды, деп хабарлайды Zakon.kz.

Қазақстандық балуан финалдық бәсекеде Қытай спортшысы Юци Люден 4:1 есебімен басым түсті. Осылайша, ол Азия чемпионатының төрт дүркін жеңімпазы атанды.

Айта кетейік, Қазақстан әйелдер құрамасы бұл чемпионатты екі жүлдемен аяқтады. Бұған дейін Зейнеп Баянова қола медаль иеленген болатын.

Еркін күрестен жарыстар 29 наурызда басталады.