Алматыдағы теміржолда арнайы оқу-жаттығу өтеді: тұрғындарға алдын ала ескерту жасалды

08:05, 12 қараша 2026

MKZ: 1577313

© Фото: akorda.kz

2026 жылғы 12 қарашада Алматының Жетісу ауданында терроризмге қарсы жоспарлы оқу-жаттығу өтеді. Іс-шара сағат 08:00-ден 15:00-ге дейін Бұрындай көшесінің бойындағы теміржолда ұйымдастырылады, деп хабарлайды Zakon.kz.

Оқу-жаттығу барысында көлік инфрақұрылымы нысандарындағы террористік қауіп-қатерлердің жолын кесу іс-қимылдары пысықталады. Бұл ретте жолаушылар және жүк пойыздарының қозғалысын шектеу жоспарланбаған.

Тұрғындардан қауіпсіздік шараларын сақтауды, мемлекеттік орган қызметкерлерінің заңды талаптарын орындауды және ресми хабарламаларды қадағалауды сұрайды. Сондай-ақ қала тұрғындарын тексерілмеген ақпаратты таратпауға шақырды.

Билік өкілдері қоғамдық тәртіпті қамтамасыз ететін адамдардың заңды талаптарына бағынбағаны үшін ҚР Әкімшілік құқық бұзушылық туралы кодексінің 443-бабына сәйкес әкімшілік жауапкершілік қарастырылғанын еске салды.

Бұған дейін терроризмге қарсы күрес жөніндегі жедел штаб Астана маңындағы қала тұрғындарына ескерту жасағаны хабарланған болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!