Алматыда аптап ыстық, Астана мен Шымкентте жаңбыр мен найзағай күтіледі

"Қазгидромет" РМК мамандары 2026 жылғы 16-18 маусым аралығына арналған ауа райы болжамын жариялады. Алдағы күндері Астана, Алматы және Шымкент қалаларында жаңбыр, найзағай, бұршақ және аптап ыстық күтіледі.

Астана

16 маусымда күн құбылмалы болады. Күндіз жаңбыр жауып, найзағай ойнап, бұршақ түсуі мүмкін. Оңтүстік-батыстан соғатын желдің жылдамдығы күндіз 7-12 м/с болса, екпіні 15-18 м/с-қа дейін жетеді. Ауа температурасы түнде +15...+17°C, күндіз +28...+30°C болады.

17-18 маусымда құбылмалы ауа райы сақталады. Кей уақыттарда жаңбыр жауып, найзағай ойнайды, күндіз бұршақ түсуі ықтимал. Солтүстік-шығыс желінің жылдамдығы 9-14 м/с, екпіні 15-20 м/с-қа дейін күшейеді. Түнде +17...+19°C, күндіз +30...+32°C жылы болады.

Алматы

16 маусымда жауын-шашынсыз, күн құбылмалы болады. Оңтүстік-батыстан соғатын желдің жылдамдығы 3-8 м/с, күндіз екпіні 13 м/с-қа жетеді. Түнде +21...+23°C, күндіз ауа температурасы +33...+35°C-қа дейін көтеріліп, қатты ыстық болады.

17-18 маусымда күндіз өткінші жаңбыр жауып, найзағай күтіледі. Желдің жылдамдығы 3-8 м/с, екпіні 15-18 м/с-қа дейін күшейеді. Ауа температурасы түнде +20...+22°C, күндіз +33...+35°C шамасында сақталады.

Шымкент

16 маусымда таңертең және күндіз өткінші жаңбыр жауып, найзағай ойнайды. Жел оңтүстік-шығыстан соғып, кейін солтүстік-батысқа ауысады. Жылдамдығы 8-13 м/с, екпіні 15-20 м/с болады. Түнде +19...+21°C, күндіз +34...+36°C ыстық күтіледі.

17 маусымда да өткінші жаңбыр мен найзағай болжанып отыр. Оңтүстік-шығыс желінің жылдамдығы 8-13 м/с. Ауа температурасы түнде +19...+21°C, күндіз +34...+36°C болады.

18 маусымда құбылмалы ауа райы сақталады. Өткінші жаңбыр жауып, найзағай күтіледі. Оңтүстік-батыс желі 8-13 м/с жылдамдықпен соғады. Ауа температурасы түнде +19...+21°C, күндіз +34...+36°C болады.

Синоптиктер тұрғындарға ауа райының күрт өзгеруіне байланысты сақтық шараларын сақтауға кеңес береді.