Ямаль 19 жасында Винисиустың рекордын жаңартты

"Барселонаның" шабуылшысы Ламин Ямаль Испания чемпионатының 7-турында "Севильяға" қарсы өткен матчта (3:1) кезекті жетістігіне қол жеткізді, деп хабарлайды Zakon.kz.

Oxu.Az басылымы Opta деректеріне сілтеме жасап жазғандай, 19 жастағы ойыншы екі нәтижелі пас берді. Осылайша, ол барлық турнирде өз командасы сапында жасаған нәтижелі пастарының санын 159 матчта 51-ге жеткізді. Ямаль өзінің мерейтойлық 50-ші нәтижелі пасын 19 жас 68 күнінде жасаған.

 

Посмотреть эту публикацию в Instagram

 

 

 

 

Публикация от FC Barcelona (@fcbarcelona)

Бұған дейінгі рекорд "Реалдың" бразилиялық ойыншысы Винисиус Жуниорға тиесілі болған. Ол 2023 жылдың мамырында 22 жас 298 күнінде мадридтік клуб сапындағы 50-ші нәтижелі пасын берген.

 

Посмотреть эту публикацию в Instagram

 

 

 

 

Публикация от FC Barcelona (@fcbarcelona)

Ямальдың еншісінде 51 нәтижелі пастан бөлек, "Барселона" сапында барлық турнирде соққан 57 голы бар.

Бұған дейін Криштиану Роналдудың қаңтар айында "Аль-Насрдан" кетуі мүмкін екені хабарланған болатын.