Надежда Рябец Әлем кубогының алтын медалі үшін күреседі

Қазақстандық боксшы Надежда Рябец (75 келіге дейін) Астанада өтіп жатқан Әлем кубогының алтын медалі үшін күреседі, деп хабарлайды Zakon.kz.

Жерлесіміз жартылай финалда түркиялық Бусра Исильдармен жұдырықтасты.

Надежда Рябец жекпе-жек басталысымен-ақ басымдық танытты. Нәтижесінде, Әлем кубогының финалына өтті.

Айта кетейік, бұған дейін Алуа Балқыбекова (51 келіге дейін) финалға шыққан болатын.