Дэвис Кубогын сарапқа салған белді турнирді Александр Шевченко сәтті бастады

Астанада Дэвис Кубогын сарапқа салатын Бірінші әлемдік топтардың плей-офф матчтары тізгін қақты. Оның аясында Қазақстан мен Пәкістан құрамалары кездесуде, деп хабарлайды Zakon.kz.

Корттағы алғашқы ойында жекелей сында әлемнің 75-ші ракеткасы Александр Шевченко мен әлемдік рейтингтен орын алмаған пәкістандық Музаммиль Муртаза кездесті.

Матч 62 минутқа созылып, Шевченко екі сетте де жеңіске жетті: 6: 2, 6:1.

Осылайша, Қазақстан мен Пәкістан құрамалары арасында ұпай: 1:0.

Екінші матчта Бейбіт Жұқаев пен Хузайла Абдул Рехман кездеседі.

Бұған дейін Қазақстандық теннисші Александр Бублик Франциядағы турнирде чемпиондық атақты қорғай алмағаны белгілі болды.