Анастасия Городко фристайл-могулдан Әлем кубогы кезеңінің 1/8 финалына шықты

Италияның Ливиньо қаласында фристайлдан Әлем кубогының кезеңі аясында параллельді могул бойынша жүлделер сарапқа салынып жатыр, деп хабарлайды Zakon.kz.

Әйелдер арасындағы жарыста Анастасия Городко 1/8 финалға шықты. Бастапқы кезеңде ол жапондық Юма Тагучиден басым түсті.

Өкінішке қарай алғашқы жарыс жолында Юлия Галышева жеңіліс тапты. Олимпиада ойындарының қола жүлдегері француз спортшысы Камилла Кабролға жол берді.

Айта кетейік, ерлер арасында Қазақстан намысын Павел Колмаков қорғайды.