ШҚО-да қола дәуірінде өмір сүрген әйелдің қорымы табылды
![](https://mail.kz/images/3ef9ad8df3ca57989d3a2ee5851d497e-slider.jpg)
© Сурет: ҚР Ғылым және жоғары білім министрлігінің баспасөз қызметі
Шығыс Қазақстан облысы аумағында әл-Фараби атындағы Қазақ ұлттық университетінің археологиялық экспедициясы Кембридж университеті мамандарымен бірлесе қола және ерте темір дәуірлері ескерткіштеріне зерттеу жұмыстарын жүргізді, деп хабарлайды Zakon.kz.
ҚР Ғылым және жоғары білім министрлігінің баспасөз қызметі қазба жұмыстары ҚазҰУ-дың археология, этнология және музеология кафедрасының меңгерушісі Ринат Жұматаевтың жетекшілігімен Шығыс Қазақстан облысының Зайсан ауданы Айнабұлақ ауылы маңында жүзеге асқанын нақтылайды.
"Зерттеу жұмыстары Шығыс Қазақстан облысы әкімдігінің "Археология саласындағы ғылыми-зерттеу жұмыстарын дамыту" бағдарламасы аясында жүргізілді. Далалық жұмыстар барысында Айнабұлақ-Темірсу қорымының толық топографиялық жоспары түсіріліп, бірнеше оба зерттелді", делінген хабарламада.
Обалардың бірінен әйел адамның жерлеу орны аршылды. Оның жанынан қоладан жасалған ұштық пен ілгіш, қола ыдыс, 180 асық және бақаның бейнесі бар қола зат табылды.
Сонымен бірге ежелгі үш қоныс орны анықталды.
"Барлау кезінде шетелдік мамандармен бірге метал заттар, сүйектер және қабір ішіндегі топырақ бойынша далалық жағдайда сынамалар алынды. Алдағы уақытта толыққанды пәнаралық зерттеулер Кембридж университеті зертханаларында жалғасады", – дейді экспедиция жетекшісі.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:51, 6 қыркүйек 2024
Астанада 60-тан астам білім беру мекемесіне ұлт қайраткерлерінің есімдері берілді
-
22:19, 6 қыркүйек 2024
Алматыда мопедтің қатысуымен жол апаты болды
-
21:57, 6 қыркүйек 2024
Ақтөбеде саусағындағы сақинаны шеше алмаған кішкентай қызға құтқарушылар көмектесті
-
21:48, 6 қыркүйек 2024
Ризабек Айтмұхан Испанияда күрес түрлерінен өтіп жатқан Әлем чемпионатының финалына шықты
-
21:42, 6 қыркүйек 2024
«Аяусыз кескілеген». Алматыда қаржыгер әйел өліміне қатысты тың мәліметтер жарияланды