Қазақтың жас ғалымы Оксфордқа шақырту алды

17:30, 22 қаңтар 2025

© Сурет: Instagram/gylym_jogarybilim

Әл-Фараби атындағы ҚазҰУ-дың шығыстану факультеті, қытайтану кафедрасының жас ғалымы Арыстанбек Ақылбай Оксфорд университетіне арнайы шақыртумен студент ретінде қабылданды, деп хабарлайды Zakon.kz.

Бұл туралы ақпарат ҚР Ғылым және жоғары білім министрлігінің Instagram-дағы парақшасында жарияланды.

"Жас ғалым 2025 жылғы қаңтардан бастап Ұлыбританиядағы Оксфорд жаһандық және аймақтық зерттеулер мектебінде "Аймақтану" мамандығы бойынша оқитын болады", делінген хабарламада.

Оқуды аяқтағаннан кейін Арыстанбек Оксфорд университетінің қауымдастырылған түлегі мәртебесіне ие болатыны да айтылады.

"Бұған дейін ҚазҰУ-дың жас ғалымы Гарвардқа (АҚШ) шақырту алып, ғылыми қызметкер ретінде келісімшарт бойынша жұмыс істеген болатын", деп нақтылайды министрлік.

Бұған дейін ҚР Президентінің жанындағы ҚР Ұлттық ғылым академиясы Жоғары ғылыми ұйым мәртебесіне ие болғанын жазған болатынбыз.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!