Қазақстанда инфляция деңгейі 10%-ға жетті

Қазақстанда жылдық инфляция деңгейі 10%-ға жетті. Бұл ақпан айындағы деңгейден 0,6-ға артық. Ол кезде көрсеткіш 9,4%-дық деңгейді көрсетіп тұрған болатын. Алайда, айлық инфляция сәл баяулаған - 1,3%, ол өткен айда 1,5% болған, деп хабарлайды Zakon.kz.

Инфляцияның негізгі факторлары

Статистика деректері бойынша азық-түлік тауарлары жылдық мәнде 7,6%-ға, ал айлық мәнде 1,6%-ға өсті. Ең көп қымбаттаған:

• картопқа – 66,4%,
• басты пиязға – 32,2%,
• қырыққабатқа – 27,3%,
• минералды және ауыз суға – 17,1%,
• күнбағыс майына – 16,8%,
• кондитерлік өнімдерге – 15%,
• қызанақтарға – 14,9%,
• банандарға – 14,6%,
• алкогольді ішімдіктер және темекі өнімдеріне – 13%,
• сары майға – 12,2%,
• жеміс және көкөніс шырындарға – 11,4%,
• сиыр етіне – 11,2%,
• салқындатылған сусындарға – 11,1%,
• балық және теңіз өнімдеріне 10,6%.

Азық-түлік емес тауарлар жылдың мәнде – 9,1%-ға, айлық мәнде 0,8%-ға жетті.

• дыбыс-бейне шолу жабдығына – 48%,
• зергерлік бұйымдар және сағаттарға – 26,6%,
• жаңа жеңіл автомобильдерге – 21,6%,
• еденге арналған кілемдер мен кілемдік жабындарға – 13,9%,
• киім және аяқ киімге – 10,9%,
• жиһаз және үйге қажетті заттарға – 10%,
• Сұйытылған газ баллондағы – 23%,
• ағаш – 14,8%.

Жылдық мәндегі ең үлкен өсімді – 14,3%-ды, ақылы қызметтер көрсетті.

• суық суға – 88,4%,
• су бұруға – 23,7%,
• орталықтан жылытуға – 19%,
• ыстық суға – 14,6%,
• электр энергиясына – 14,3%,
• тарату желілері бойынша тасымалданатын газға – 13,3%,
• қоқыс шығаруға – 11,1%,
• тұрғын үйді күтіп ұстауға жұмсалған төлем – 11%.

Өзге де қызметтер:

• кешенді демалыстарды ұйымдастыру қызметтеріне – 47,3%,
• байланыс қызметтеріне – 13,9%,
• денсаулық сақтау қызметтеріне – 13,4%,
• жеке көлік құралдарына техникалық қызмет көрсету және жөндеуге – 12,9%,
• шаштараздар мен жеке қызмет көрсету орындары қызметтеріне – 12,6%,
• қоғамдық тамақтандыру қызметтеріне – 11,3%,
• демалыс және спорттық іс-шаралар саласындағы қызметтеріне 9,2%.
• Жолаушылар темір жол көлігімен жол жүру – 23,6%,
• қалалық автобуспен – 11,2%,
• жолаушылар әуе көлігімен 10% қымбаттады.
• Тұрғын үйді жалға алу төлемі 14,9% өсті.

Наурызда ең жоғары инфляция Астанада (13,3%), Қарағанды (12,1%) және Ақмола (12%) облыстарында тіркелді. Бұл аймақтарда бағаның өсуі орташа республикалық деңгейден жоғары болды.

Инфляция неге артып келеді?

Жылдық инфляцияға азық-түлік пен алкогольсіз сусындар (2,9 пайыздық тармақ), тұрғын үй қызметтері (1,8 пайыздық тармақ) және денсаулық сақтау (1,2 пайыздық тармақ) үлкен үлес қосты. ТКШ қызметтері де маңызды рөл атқарды, 16%-ға қымбаттап, жалпы инфляцияға 1,8 пайыздық тармақ енгізді.

Жыл ішінде ет және ет өнімдері бағасы – 8%, жемістер мен көкөністер 11,9% өсіп, инфляцияға тиісінше 0,9 және 0,7 пайыздық тармаққа негізгі үлес қосты. Май және тоң май – 13,1%, сүт өнімдері бағасының 6,1% қымбаттауы жылдық инфляцияға 0,3 пайыздық тармақтан, алкоголсіз сусындар (9,9%), нан өнімдері мен жармалар (3,1%) – 0,2 пайыздық тармақтан үлес қосты.

Киім – 10,5%, аяқ киім 11,7% қымбаттады және инфляцияға тиісінше 0,6 және 0,4 пайыздық тармаққа үлес қосты.

Бұған дейін қазақстандықтарды алдағы күндері жаңбырлы ауа райы күтетіндігі хабарланған болатын.