Қазақстан табысы жоғары елдер қатарына енді

Қасым-Жомарт Тоқаевтың ел тізгінін қолына алғанына алты жыл. Осы аралықта Қазақстан коронавирус пандемиясынан бастап жаһандық геосаяси шиеленістерге дейінгі сын-қатерге қарамастан, экономикалық дамуда елеулі нәтижелерге жетті.

Былтыр ғана ЖІӨ 288 миллиард долларды құрады. Осылайша, Қазақстан табысы жоғары мемлекеттер тобына жақындады.

Бүгінде Мемлекет басшысы мұнайдан тыс салаларды дамытуға басымдық беріп отыр. Экономиканы әртараптандыру да кезек күттірмейтін маңызды міндет екенін алға тартты.

Кейінгі 5 жылда өңдеу өнеркәсібінде өндіріс көлемі 31,4%-ке, құрылыста 96,3%-ке өсті. Жалпы өнеркәсіп құрылымында өңдеуші кәсіпорындар өз үлесі бойынша өндіруші сектормен теңесті, деп жазады 24.kz арнасы.

Былтырдың өзінде өңдеу өнеркәсібінде жалпы құны 1,3 триллион теңге болатын 180 инвестициялық жоба іске асырылды.