Александр Шевченко мен Михаил Кукушкин Франциядағы «челленджерді» бастады

Экс-ан-Прованста (Франция) "Челленджер" АТР сериясының турнирі басталды. Екі қазақстандық теннисші – Александр Шевченко мен Михаил Кукушкин жекелей сында бірінші айналым матчтарын өткізді, деп хабарлайды Zakon.kz.

Александр Шевченко (№59 АТР) бастапқы ойында корт иесі Грегуар Баррерді 6:3, 6:1 есебімен жеңді.

Спортшылар кортта 1 сағат 9 минут ойнады. Осы уақыт ішінде Шевченко үш рет эйс жасап, бір қос қателік жіберді және төрт брейк-пойнттың төртеуін (100%) жүзеге асырды.

Екінші айналымда Александр Шевченко Факундо Багниспен (Аргентина) ойнайды.

Михаил Кукушкин (№129 АТР), іріктеу арқылы Франциядағы жарыстардың негізгі торына еніп, бірінші раундта аргентиналық Франциско Комесаннан жеңіліп қалды– 4:6, 6:1, 6:7.

Айта кетейік, Александр Бублик Мадрид ATP 1000 турнирінің ширек финалына шыға алмады.