Ақтауда толассыз жауған жаңбырдан кейін жаңа жерасты қоқыс жәшіктері опырылып түсті

Ақтауда 19-шағын ауданда нөсер жаңбырдан кейін жаңа қоқыс жәшіктері жер астына түсіп кетті. Енді мердігер ұйым қалпына келтіру жұмыстарын жүргізуі керек, деп хабарлайды Zakon.kz.

lada.kz жазуынша, оқиға "Рахат-2" ТК аумағында болған.

Тұрғындардың айтуынша, жауын-шашынның көп түсуіне байланысты топырақ шайылып, осылайша жаңа жаңа жерасты қоқыс жәшіктері жер астына түсіп кеткен.

Сурет: lada.kz

"Материалдардың сапасына қалай мән бермеуге болады?! Ақаулар алғашқы қолайсыз ауа-райынан-ақ анықталды", – дейді көпқабатты үйдің тұрғындары.

Ақтау қалалық әкімдігінің баспасөз қызметі бұл мәселемен ТКШ бөлімі жұмыс істеп жатқанын хабарлады. Өз кезегінде мердігерлер бәрін қалпына келтіруге міндеттелген.

Белгілі болғандай, оқиға орнына қоршаулар орнатылған. Шенеуніктердің сөзінше, қалпына келтіру жұмыстары ауа райы тұрақтанғаннан кейін жүргізілетін болады.

Бұл ретте, әкімдік сатып алу сомасын және мердігер компанияның атауын жарияламады.

Бұған дейін Экология министрлігінің елімізге тағы бірнеше жолбарыс әкелуді жоспарлап отырғандығы хабарланған болатын.