Үндістанда жаңбыр маусымы басталғалы көз жұмғандар саны мың жарым адамға жеткен

Үндістанның солтүстігі мен шығысында толассыз жауыннан су тасқыны болды, деп хабарлайды Хабар 24.

Салдарынан Ганг өзені арнасынан асып кеткен. Варанаси мен Синигули қалаларында тұрғын үйлер мен ғибадатханалар су астында қалды.Үндістанда маусым айынан қыркүйекке дейін жауын-шашын маусымы болады. Жауын елдің ауылшаруашылық секторына пайда әкелсе, елдің инфрақұрылымы орасон зор шығынға ұшырайды.

Жергілікті билік аймақта лай көшкіні басталу қаупі бар екенін айтады. Табиғи апаттан тұрғындар үйлерін тастап, уақытша орындарды паналауға мәжбүр болып отыр.

Елде толассыз жаңбыр маусымы басталғалы бері көз жұмғандардың қатары шамамен 1 500 адамға жетті.

Telegram арнасындағы маңызды жаңалықтар «zakon.kz». Жазылу!