Украина президент сайлауының ресми қорытындысы 30 сәуірде шығады

Украинада президент сайлауының екінші турында дауыс берудің ресми нәтижелері 30 сәуірде жарияланады, деп жоспарлануда. Бұл туралы ОСК төрағасының орынбасары Евгений Радченко айтты, деп хабарлайды РИА Новости.

– Пасха – украин халқы үшін ұлы мерекелердің бірі, сол себепті биліктің сот органдарынан еш жерде сотқа арыз-шағым түспегені туралы ақпаратты ала алмай қаламыз ба деп алаңдап отырмыз. Дауыс беру қорытындысын шамамен 30 сәуірде анықтап, жария етеміз, – деген Радченконың сөзін ТСН сайты келтіреді.

Радченконың сөзінше, электронды хаттамалар бойынша сайлаудың алдын-ала нәтижелері шамамен екі-үш күннен кейін белгілі болады.

Украинада президенттік сайлаудың екінші туры 21 сәуірде өтті. Оған қазіргі мемлекет басшысы Петр Порошенко мен Владимир Зеленский қатысқан. ОСК-ның соңғы деректері бойынша, Зеленский 73% дауыс жинап, озып келеді. ОСК хаттамалардың 70%-дан астамын санады. Порошенко сайлауда жеңілгенін мойындады.

Украина ІІМ мен ОСК әзірге дауыс беру нәтижесіне әсер ететіндей жаппай заң бұзушылықтар тіркелмегенін мәлім етті.