Telegram қолданушылар саны соңғы 72 сағатта 25 млн адамға өсті

16:01, 13 қаңтар 2021

Жаңа қолданушылар бүкіл әлем бойынша тіркелуде – 38% Азиядан, 27% Еуропадан, 21% Латын Америкасынан және 8% Таяу Шығыс пен Солтүстік Африка, – деп жазды ресейлік кәсіпкер, миллиардер Павел Дуров өз блогында.

Ол қаңтардың бірінші аптасында "Telegram-ды белсенді пайдаланушылар саны айына 500 миллион адамға жетті", дейді.

Қаңтарда WhatsApp мессенджері өзінің екі миллиардтан астам қолданушыларына сервисті пайдалануды жалғастыру үшін өз деректерімен Facebook-те бөлісуге келісім беруі тиіс екенін хабарлаған. Содан кейін Telegram мен қорғалған мессенджер Signal-ды жүктеу саны күрт өсіп кетті, деп атап өтеді CNBC.

Бұған дейін британдық Telegraph газеті жазғандай, АҚШ-та Telegram жүктелуі жағынан екінші орынға шықты. Содан кейін бұл мессенджерге Дональд Трамптың жақтаушылары жаппай кірген. Өйткені жексенбіде Трамптың Twitter мен Facebook-тегі аккаунты бұғатталған еді.

Күні кеше Telegram-да Түркия президенті Реджеп Тайып Ердоған тіркеліп, өз каналын ашып қойды.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!