Санк-Петербургте ҚР ІІМ подполковнигі көз жұмды

16:18, 22 қаңтар 2020
617

21 қаңтарда Ресейдің Мариинск ауруханасында 62 жастағы ҚР ІІМ Өртке қарсы қызмет подполковнигі Вячеслав Джексенов қайтыс болды, деп хабарлайды fontanka.ru.

Оған күндізгі сағат төртте Дегтярная және Советская 9 көшелерінің қиылысындағы үйдің маңында шабуыл жасалды. Алған жарақатына қарағанда (желкесінде жарақат бар) ер адамды артқы жағынан келіп, ұрған. Ол ауыр халде ауруханаға жеткізілді, онда бір сағаттан кейін қайтыс болды.

Оқиға орнынан темекі тұқылдары алынды. Ол маңдағы үйлерде бақылау камералары орнатылмаған болып шықты. Қылмыстық іс қозғау мәселесі шешіліп жатыр.

Сурет: spb.kp.ru

Марқұмның әйелінің сөзіне қарағанда, ол темекі шеккен жасөспірімдермен жанжалдасып қалған, деп жазады Комсомольская правда.

Полиция бірден істі тексеруге кірісті.

- Оқиға орнына дереу полиция қызметкерлері келіп, куәгерлерден жауап алынды. Полиция қызметкерлері жедел түрде үш жасөспірімді анықтап, олардан жауап алды. Аталған факті бойынша тексеру материалдары тергеу органдарына процедуралық шешім қабылдау үшін жіберілді, - деп хабарлады ІІМ Санкт-Петербург және Ленинград облысы бойынша департаменті.

Белгілі болғандай, жасөспірімдер ер адамның өліміне қатысы жоқ. Жанжалдан кейін үйіне көтеріліп бара жатқан ер адам баспалдаққа құлаған.

- Алдын ала мәліметтер бойынша, ер адам жазатайым оқиға салдарынан, яғни пәтерінің кіре берісінде баспалдақтан құлау салдарынан ауыр жарақат алған. Тергеу ісінде мектеп оқушылары ер адамды өлтіргені туралы ақпарат жоқ, оларды ұстау туралы ақпарат шындыққа сәйкес келмейді, - деп түсіндірді Санкт-Петербургтегі Тергеу комитетінің Орталық тергеу басқармасындағылар.

"Журналистские расследования" (АЖУР) агенттігі хабарлағандай, 62 жастағы марқұм Вячеслав Жексенов өмірінің жартысына жуығын ҚР ІІМ Төтенше жағдайлар комитетінде жұмыс істеп, подполковник атағымен зейнетке шыққан. Жексенов министрліктің үздәк қызметкерлері және құрметті ардагерлері тізіміне енген, отты-қолданбалы спорт түрлерінен спорт шебері атағына ие және бірнеше рет республикалық жарыстарда жүлделі орындарға ие болған.

2014 жылы Жексенов Санкт-Петербургке көшіп келіп, кәсіпкерлерге кеңес беру үшін шағын кәсіп ашқан.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!