Путин Навальныйдың танымал болғанын қаламайды – Песков

Ресей президентінің баспасөз хатшысы Дмитрий Песков Алексей Навальныйға қатысты жағдайға түсініктеме берді, деп хабарлайды zakon.kz.

РИА Новости хабарлағандай, Песков француздың France 5 телеарнасындағы "Владимир Путин: ойын қожайыны" (Poutine, le maître du jeu) деректі фильміне сұхбат берді.

"Ол өлмейді деп үміттенейік (түрмеде – ред.). Құдайға шүкір, ол тірі", - деді ол журналистің Навальныйдың жағдайы туралы және "Ол түрмеде өле ме?" деген сұрағына жауап ретінде.

Путиннің баспасөз хатшысы Алексей Навальныйдың түзеу мекемесіне келгеннен кейін аштық жариялағанын, бірақ уақыт өте келе оны тоқтатқанын айтты.

Франциялық журналистің айтуынша, Ресей Федерациясының басшылығы Навальныйдан қорқатын сияқты. Бұған жауап ретінде Песков билік Навальныйдан "қорықпайтынын", бірақ оның қосымша "танымалдыққа" немесе рейтингке ие болғанын қаламайтынын айтты.

Ол Ресейде Навальныйға не болғаны туралы әлі жауап алмағанын еске салды.

Алексей Навальный 2020 жылдың 20 тамызынан 7 қыркүйегіне дейін комада жатты. Томскіден Мәскеуге ұшқан ол ұшақта ауырып қалды. Омбы ауруханасына жатқызылып, кейін Берлин клиникасына жеткізілді.

Омбы дәрігерлері қандағы қанттың күрт өзгеруіне әкелетін метаболикалық бұзылыс диагнозын қойды. Бірақ олар анализден у таппады. Германия Навальныйды "Новичок" тобына жататын умен уландырды деп мәлімдеді. Уланудың неден болғаны белгісіз, бірақ Омбы дәрігерлерінің айтуынша, Навальныйдың қаны мен зәрінен у табылған жоқ.

Бақытжан Отарбаева