Оңтүстік Кореяның экс-президенті 15 жылға сотталды

15:48, 5 қазан 2018
400

Оңтүстік Кореяның бұрынғы президенті Ли Мен Бак сыбайлас жемқорлық қылмысын жасады деп айыпталып, 15 жылға сотталды, деп жазады Sn.kz.

Reuters агенттігінің хабарлауынша, Сеул соты оған сонымен қатар 11,5 миллион доллар көлемінде айыппұл салды. Прокуратура бұрынғы президентті 20 жылға соттауды сұраған. Ли Мен Бактің өзі сотқа қатыспады.

76 жастағы Ли Мен Бак Оңтүстік Кореяны 2008-2013 жылдар аралығында басқарған. Биыл көктемде ол Samsung компаниясынан пара алды деп айыпталған. Оған сонымен қатар салық төлеуден жалтарды, билікті теріс мақсатта пайдаланды және сайлау заңын бұзды деген айып тағылған.

Былтыр Оңтүстік Кореяның бұрынғы президенті Пак Кын Хе пара алды және билікті теріс мақсатта пайдаланды деген айыппен 24 жылға сотталған. 2009 жылы елдің экс-президенті Но Ху Мен сыбайлас жемқорлық қылмысын жасады деп айыпталған соң өзіне қол салған. Қазір Оңтүстік Кореяны Мун Чжэ Ин басқарады.


Telegram арнасындағы маңызды жаңалықтар «zakon.kz». Жазылу!

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!