Миллиардер Эпштейннің үйінен әйелше киінген Клинтонның портреті табылды

Педофил Джеффри Эпштейннің үйінен АҚШ-тың бұрынғы президенті Билл Клинтон бейнеленген картина табылды. Суретте Клинтон әйелше киінген, үстінде көк түсті көйлек, аяғында биік өкшелі туфли. Креслоға жантайған Клинтон көрерменге сұқ саусағын көрсетіп тұр, деп хабарлайды Вести DailyMail-ге сілтеме жасап.

Көк көйлек – Моника Левинскиді немесе Клинтонның әйелі Хиллариді меңзейтін болса керек. Екеуі де осындай көк көйлек киетін.

Картинаны австралиялық-америкалық суретші әйел Петрина Райан-Кляйд салған. Эпштейннің үйіндегі сурет түпнұсқа ма, әлде көшірме ме – ол жағы әзірге белгісіз.

Картина туралы хабарлаған дереккөз картинаны жаға ұстатарлық деп атады.

- Бұл провокациялық, сексуалды картина, - деді куәгер.