Мәскеуге ұшып барса да Қырғыз президенті Жеңіс парадына қатыса алмады

14:44, 24 маусым 2020

Қырғыз Республикасы Президенті Сооронбай Жээнбеков өзімен Мәскеуге еріп барған қырғыз делегациясындағы адамдардың екеуінен коронавирус табылуына байланысты Жеңіс парадына қатыспады, деп хабарлайды zakon.kz.

- Алгоритмге сәйкес, Президент Сооронбай Жээнбеков және оның жанындағы делегация мүшелері Мәскеуге келгеннен кейін коронавирусқа байланысты тексеруден өтті. Делегация құрамындағы екі адамнан коронавирус анықталды, деп хабарлады Қырғыз Республикасы Президентінің баспасөз қызметі.

Алгоритмге сәйкес, Жээнбеков Жеңістің 75 жылдығына арналған іс-шараға да қатысудан бас тартуды жөн деп шешті.

Бүгін, 24 маусымда Мәскеуде Жеңіс парады өтіп жатыр. Оған Беларусь, Өзбекстан, Босния және Герцеговина, Молдова, Тәжікстан, Сербия, Оңтүстік Осетия, Абхазия президенттері қатысуда. Қырғызстан Президенті де Владимир Путиннің шақыруын қабыл алып, 23 маусымда Ресей астанасына ұшып келді.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!