Кемінде 15 адам: Тәжікстан билігі елде коронавирус барын мойындады
Коронавирус індетіне байланысты құрылған Тәжікстанның мемлекеттік комиссиясы 30 сәуірде елде коронавирус жұққан кемінде 15 адам бар деп мәлімдеді.
Бұл туралы Азаттықтың Тәжік қызметі хабарлады. Мемлекеттік комиссияға премьер-министр Кохир Расулзода жетекшілік етеді.
Ақпарат бойынша, Тәжікстанның денсаулық сақтау және халықты қорғау министрлігі 29 сәуірде Худжандта - 10, Душанбеде 5 адамға вирус жұққанын анықтаған.
COVID-19 індеті шыққан Қытаймен шекаралас Тәжікстан басшылығы эпидемия басталған уақыттан бері алғаш рет коронавирус барын мойындап отыр. Бұған дейін елде ресми түрде коронавирус табылмаған. Дегенмен елде аурухана қызметкерлері мен басқа да адамдардың түсініксіз пневмония мен тыныс жолдары ауруларынан көз жұмып жатқаны туралы хабар жиі тарай бастаған.
Өткен аптада халықаралық Human Rights Watch (HRW) адам құқығын қорғау ұйымы коронавирустың барын жоққа шығарып отырған Түркіменстан мен Тәжікстан билігі осылайша азаматтарының өміріне қауіп төндіріп отыр деп мәлімдеген.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:13, 3 қараша 2022
«Барыс» ҚХЛ аясындағы ойындарда 14-ші жеңілісін тіркеді
-
21:55, 3 қараша 2022
Илон Маск G20 саммитіне қатысады
-
18:50, 3 қараша 2022
Пәкістанның бұрынғы премьер-министріне саяси шеру кезінде оқ атылды
-
14:06, 1 қаңтар 2022
Ким Чен Ын: 2022 жыл – «Өліммен күрес» жылы
-
10:24, 18 желтоқсан 2021
Ресей Ашық аспан келісімінен шығу туралы шешім қабылдады