Гүлнара Каримованың әкесі тіріде меншіктеп алған ақша-мүлкі елге қайтарылуда

09:17, 5 сәуір 2021
1389

© Сурет: wikimedia.org

Өзбекстанның Мемлекеттік активтерін басқаратын агенттік хабарлағандай, Ташкент қаласында және Ташкент облысында бұрынғы президент Ислам Каримовтің қызына тиесілі бірнеше нысан сатылымға шығарылды, деп хабарлайды zakon.kz Орталық Азияның жаңалықтар қызметіне сілтеме жасап.

Олардың бірі - Бостандық ауданындағы "Сижак" демалыс орны. Оның аймағында бірнеше мейманхана, спорт залы, үш бассейн, екі фонтан, амфитеатр және басқа нысандар бар. Демалыс орнының жалпы алаңы 5,38 гектарды құрайды.

2019 жылы бұл кешен Триатлон федерациясына берілген. Оны қазіргі президент Шавкат Мирзиявтің кіші күйеу баласы Отабек Умаров басқарады.

Гүлнара Каримова Ташкент облысындағы түрмеде отыр. Оған "Мемлекет мүлкін меншіктеп алу", "Қылмыстық жолмен табылған табысты заңдастыру" секілді баптармен айып тағылған. 2020 жылдың 18 наурызында 13 жыл төрт айға бас бостандығынан айырылған.

Былтыр қыркүйек айында Швейцария мен Өзбекстан Каримованың ақшасын қайтаруға келіскен. Оған сәйкес, Каримованың 2012 жылдан бері Швейцария банктерінде сақталып тұрған 131 миллион доллары Ташкентке аударылуы тиіс.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір