Есірткі жарнамасы: тапсырысты Самарқанд тұрғыны берген

10:13, 26 қараша 2019

Ташкент ішкі істер басқармасының (ІІБ) сайтында есірткінің құпия жарнамасы бар баннерге Самарқанд тұрғыны тапсырыс берген деген ақпарат жарияланды, деп хабарлайды centralasian.org.

ІІБ хабарлағандай, ер адам тапсырысты ресейлік блогерден интернет арқылы қабылдаған. Ақшаны оған карта арқылы аударған. Ол блогерден дайын баннерді алғанын айтады.

Ташкенттен бөлек, дәл осындай баннер Самарқандта да ілінген.

Тексеру нәтижесінде баннерді қала ортасына ілу жөнінде тапсырысты 48 жастағы Яшнабад ауданы тұрғыны алған. Ал тапсырыс беруші Самарқанд облысының 29 жастағы тұрғыны болып шыққан. Ол сыртқы жарнамамен айналысатын фирма жетекшісі екен.

Жергілікті БАҚ хабарлағандай, ташкенттік журналист Мухаммадшариф Маматкулов жарнамаға мән беріп, құқық қорғау органдарына хабарлаған. Журналист QR-код арқылы тексеріп көргенде, расында код .ru доменіне барып, онда тауар ретінде есірткі заттары шыққан.

Осыдан кейін журналист Мухаммадшариф Маматкулов Facebook парақшасына пост жазып, ІІБ-ға мән беруін сұраған.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!