Әйелін ақ аюдың шабуылынан қорғамақ болған ер адам ауыр жарақат алды

10:38, 5 желтоқсан 2024

© Сурет: pixabay

Канадада 3 желтоқсан күні таңертең ер адам ақ аюдың шабуылына тап болып, ауыр жарақат алды, деп хабарлайды Zakon.kz.

CBS мәліметтері бойынша, ерлі-зайыптылар иттерін іздеу үшін таңғы 5-те көшеге шыққан. Алайда, жол жиегінен аюды кездестірген, жыртқыш бірден әйелге тап берген.

"Ер адам сүйіктісін қорғау үшін, аюға қарсы тұрған. Қазір ол аяғы мен қолынан алған ауыр жарақаттарын емдеуде", — делінген жергілікті полиция қызметі мәлімдемесінде.

Сырттағы айғай-шуды канадалық жұптың көршісі естіп, аюды мылтықпен бірнеше рет атқан. Осылайша аң орманға қашып кетті. Кейінірек полиция аюдың алған жарақаттарынан қайтыс болғанын растады.

Бұған дейін қытайлық шаруаның жолбарыстың шабуылынан жан сауғалап қалғаны хабарланған болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!