Әйел банктен алған қарызын төлемес үшін шашын бояп, арықтап кеткен

16:56, 12 шілде 2018

Кубань тұрғыны банкке қарыз болған 117 млн рублін төлемес үшін сырт келбетін өзгертті, деп хабарлайды Sputnik Қазақстан Краснодар өңірі бойынша Федералды сот приставтары қызметіне сілтеме жасап.

Сот приставынан жасырынып жүрген әйел Краснодар-Омбы бағытындағы пойызға билет сатып алған.

"Жолға шыққан жолаушылардың арасынан борышкерді тану оңай болған жоқ. Біздегі әйелдің кескінімен салыстырғанда, ол айтарлықтай арықтап, шашының түсін өзгерткен. Полицейлер құжатты тексерген кезде, перрондағы әйелдің сот приставтары іздеп жүрген борышкер екеніне көзіміз жетті", дейді ФСПҚ қызметкерлері.

Борышкердің табылуына байланысты іздеу ісі тоқтатылды. Қазіргі таңда қарызды өндіру процесі жүріп жатыр.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!