Covid-19 вакцинасына Жаңа жылда қол жеткізе аламыз ба?

13:52, 19 қараша 2020
604

Еуропада және АҚШ-та коронавирусқа қарсы тиімді вакцина жасалды деген соңғы жаңалықтардан кейін вакцинация бағдарламаларының жоспары түзіле бастады, деп хабарлайды zakon.kz Global Times-қа сілтеме жасап.

Коронавирус пандемиясын жеңуге деген үміт АҚШ-тың Moderna биотехникалық фирмасы вакцинасы сынақтарының 95% тиімді болуын растауы жария болған соң артты. Осындай нәтижелерді бір апта бұрын фармацевтика алыбы - Pfizer және оның неміс серіктесі BioNTech компаниялары жариялады.

Жұқпалы аурулар бойынша жетекші америкалық сарапшы Энтони Фаучи нәтижелерді жоғары бағалады. Оның айтуынша, алынған мәліметтер күткен нәтижеден де асып түсті. Бізде 94,5% тиімді вакцина бар деген идея таңқаларлықтай әсер қалдырады, - деді ол.

АҚШ-тың Азық-түлік және дәрі-дәрмектермен қамтамасыз ету басқармасы желтоқсанның басында Moderna және Pfizer-BioNTech вакциналарын мақұлдауы мүмкін. Жоспарға сәйкес, қаңтардан бастап ай сайын 25 миллионға дейін адам вакцинацияланады.

Франция билігі вакцинация бағдарламасы қаңтардан басталады деп мәлімдеді. Алайда, алдымен ЕО-ның қадағаушы органдарынан келісім алу керек. Бұдан бұрын хабарлағанымыздай, Еуропалық комиссия ЕО елдеріне коронавирусқа қарсы вакцина ұсынуға міндеттелді.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір