Бердімұхамедовтың әпкесі жасанды тыныс алу аппаратына қосылған

Орталық Азия бойынша сарапшы Аркадий Дубнов өзінің дереккөздеріне сілтеме жасай отырып, президент Гурбангулы Бердімұхамедовтің жездесі Аннаназар Режеповтің COVID-19-дан қайтыс болғанын, ал әпкесі жасанды тыныс алу аппаратына қосылғанын айтты, деп хабарлайды zakon.kz.

Ол Аннаназар Режепов түрікменнің іскерлік ортасында өте беделді тұлға болып табылатындығын атап өтті. Оның есімі бірнеше жыл бұрын МТС ресейлік телекоммуникациялық компаниясының түркімендік еншілес компаниясына ие болуымен байланысты.

Түрікменстан хроникасы еске салғандай, Аннаназар өзінің ұлы Қажымұратпен бірге бүкіл елдегі ең жақсы әкімшілік, бөлшек сауда және өндірістік нысандарға ие бірқатар компанияларды басқарды және тұрақты түрде тиімді мемлекеттік келісім-шарттар жасады, соның ішінде құны 2,3 млрд долларды құрайтын Ашхабад-Түркіменабат автожолының құрылысын салу туралы келісім-шарт та бар.

2017 жылдың маусымында МТС қызметі тоқтатылғанға бірнеше ай қалғанда жергілікті билік "Ай Назар" атты екінші ұлттық ұялы байланыс операторының ашылатындығын жариялады.

Түрікменстан - өз елінде коронавирустың барын мойындаудан бас тартқан Еуразия құрлығындағы жалғыз мемлекет.