Беларусьте әскери ұшақ құлады

Брест облысында Як-130 әскери ұшағы апатқа ұшырап, екі ұшқыш қаза тапты, деп хабарлайды zakon.kz.

Беларусь Республикасы Қорғаныс министрлігінің баспасөз қызметі хабарлағандай, оқу-жаттығу кезінде экипаж техникалық ақауларды анықтады.

Ерлік пен қаһармандық танытқан ұшқыштар ұшақты елді-мекеннен алысырақ әкетуге тырысты. Ұшақтың құлау траекториясы тұрғын үйлерден тыс болғанына көз жеткізгеннен кейін ұшқыштар катапультті қосқан - делінген хабарламада.

Алайда екі ұшқыш та аман қала алмады.

Оқиға орнына Қорғаныс министрінің қарулану жөніндегі орынбасары бастаған министрліктің комиссиясы аттанды.