Атасы қорлай берген соң 18 жастағы келін асылып өлді
Тәжікстанда Жайхун ауданы Зарнисор қышлағының 64 жастағы тұрғыны Эмом Забиров 18 жастағы келінін өз-өзіне қол жұмсауға мәжбүрлегені үшін 5 жыл 2 айға сотталды.
Забиров жазасын қатаң режимдегі колонияда өтейді. деп жазады centralasian.org.
Жайхун ауданының прокуроры Шохрух Раджабзоданың хабарлауынша, айыптаушы соттан күдіктіге 8 жыл сұраған. Эмом Забировқа "өз-өзіне қол жұмсауға итермелеу" бабы бойынша қылмыстық іс қозғалған.
Забиров биыл маусым айында ұсталды. Гүлбахор Фаромарзова биыл 15 сәуірде өз үйінің сарайында асылып қалған. Гүлбахордың күйеуінің туыстары оның психикасы бұзылғанын, сол себепті өз-өзіне қол жұмсағанын айтқан. Бірақ марқұмның ата-анасы қызының дені сау екенін, оны сот-медициналық сараптама дәлелдегенін алға тартты.
Тергеу органдары Забиров келінін үнемі кемсітіп, күн көрсетпегенін, жас қыз соның кесірінен асылып өлгенін анықтады.
Гүлбахор Фаромарзова 2018 жылы Раджабали Забировқа тұрмысқа шықты. Жарты жылдан соң оның күйеуі Ресейге жұмысқа кетті, ал қыз оның ата-анасының үйінде қалды.
Гүлбахордың туысы Эмомали Фаромарзовтың айтуынша, жас келін атасының мінезіне үнемі шағымданған, бірақ туыстары оған шыдау керектігін айтқан. "Үкімді жарты жылдай күттік. Сот үкіміне көңіліміз толды. Басқаларға сабақ болсын, келіндерін бұлай қорламасын", - деді ол.
Ал сотталушының бауыры Ахком Забиров ағасына жала жапты деп есептеп, сот үкіміне шағымдануды көздеп отыр.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:13, 3 қараша 2022
«Барыс» ҚХЛ аясындағы ойындарда 14-ші жеңілісін тіркеді
-
21:55, 3 қараша 2022
Илон Маск G20 саммитіне қатысады
-
18:50, 3 қараша 2022
Пәкістанның бұрынғы премьер-министріне саяси шеру кезінде оқ атылды
-
14:06, 1 қаңтар 2022
Ким Чен Ын: 2022 жыл – «Өліммен күрес» жылы
-
10:24, 18 желтоқсан 2021
Ресей Ашық аспан келісімінен шығу туралы шешім қабылдады