АҚШ конгресі Ресейге қарсы жаңа санкциялар жобасын жариялады

17:56, 27 ақпан 2019
343

АҚШ конгресінің сайтында Ресейге қарсы қосымша санкциялар енгізуді көздейтін (Defending American Security from Kremlin Aggression Act, DASKA) жаңартылған заң жобасы жарияланды, деп хабарлайды Zakon.kz РИА Новости-ге сілтеме жасап.

Құжат Ресейдің қайтару мерзімі 14 күннен асатын жаңа тәуелсіз қарыздарымен мәмілелер жасауға тыйым салуды қарастырады.

Шектеулер заң күшіне енгеннен кейін 90 күннен соң қолданыла бастайды, делінеді.

Вашингтонның деректері бойынша "Ресей үкіметінің Ресей Федерациясы аумағынан тыс кез-келген елдегі демократиялық үрдістер немесе сайлауға араласуын" қолдаған барлық каржы институттары санкцияға түспек.

Жарты жылдан кейін ресейлік "Президент Владимир Путиннің атынан тікелей немесе жанама түрде заңсыз және коррупциялық әрекеттерге жол берген саяси тұлғалар, олигархтар және өзге де тұлғалар" да санкцияға ілігеді, делінеді құжатта.

Конгресс, сондай-ақ "Владимир Путиннің жеке байлығы мен активтері туралы" есепке қол жеткізуді жоспарлауда.


Telegram арнасындағы маңызды жаңалықтар «zakon.kz». Жазылу!

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!