74 жастағы әйел егіз тапты

09:26, 6 қыркүйек 2019
1456

Үндістанның Андхра-Прадеш штатының 74 жастағы тұрғыны ЭКО көмегімен жүкті болып, екі қыз туды, деп хабарлайды РИА Новости.

Аурухана директоры айтқандай, Эрраматти Мангаямма кесарь тілігі арқылы босанды.

- Операция сәтті өтті. Анасы да, нәрестелер де сау, ешқандай асқынулар жоқ. Алайда ананы бірнеше сағатқа созылған стресстен арылту үшін жансақтау бөліміне жібердік, - деді ол.

Бірақ Мангаямма емшекпен емізе алмайды, нәрестелер донорлық сүтті емуде.

Директордың айтуынша, қарт әйелдің бала көтеруі қант диабеті және гипертония сияқты медициналық асқынулардың болмауының арқасында мүмкін болды.

Мангаямма мен оның 80 жастағы күйеуі Рая Рао 1962 жылдың 22 наурызында үйленген. Ерлі-зайыптылар соңғы 57 жыл бойы бала көтеруге талпынып келген екен. Жасанды ұрықтандырудың арқасында 74 жастағы биыл қаңтарда бала көтерген.

Бұған дейін жасанды ұрықтандыру арқылы бала туған ең қарт әйел – тағы бір үнділік әйел Омкари Панвар болатын. Ол да 2008 жылдың жазында 70 жасында егіз тапқан.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!