Шымкентте бірегей бокс орталығы пайдалануға беріледі
Шымкент қаласының әкімі Ғабидолла Әбдірахымов қалалық N5 бокс спорт мектебінің құрылыс алаңын аралады.
Бүгінгі таңда жаңа ғимараттың құрылыс-монтаж жұмыстары аяқталды. Спорт мектебінің 2 қабатты әкімшілік ғимараты мен 210 орынды жаңа спорт залы пайда болды.
«Бұл – бірегей жоба. Мұндай орталық Қазақстанның басқа еш жерінде жоқ. Иә, залдар бар, жарысқа арналған орындар бар, дегенмен алғаш болып біздің қаламызда тұтас кешен соғылып отыр. Енді біздің мектебімізде халықаралық оқу жиындарын да өткізуге болады. Барлық жағдай жасалған», – деді қалалық N5 бокс спорты мектебінің директоры Заңғар Қасқаев.
Жоспарда – өзге аймақтардан келетін спортшылар үшін жатақхана салу.
Бокс мектебінің ескі ғимараты да жөнделуде, мектептің жарықтандырылуы да өз дәрежесінде болмақ.
Айта кетейік, Қазақстан бокс федерациясының атқару бюросы 2017 ж. ерлер арасындағы ел чемпионатын өткізуге өтініштерді қарай келе бұл құқықты бірауыздан Шымкентке беріп отыр.
Чемпионат 6-12 қараша аралығында Шымкентте өтеді, деп хабарлайды ҚБФ сайты. Бұған дейін бұл жарысты дәстүрлі түрде жеңіл атлетика манежінде өткізу жоспарланған еді. Дегенмен бокс орталығы қонақтарды кәсіби деңгейде қабылдауға дайын болғандықтан, ел чемпионаты бокс мектебінің жаңа ғимаратында өтуі мүмкін. ОҚО бокс федерациясының өкілдері орталықтың мүмкіндіктерін бағалап үлгерді, деп жазады strategy2050.kz.
Источник: khabar.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:12, 15 маусым 2023
Александр Недовесов Нидерландтағы жарыстың жартылай финалына шықты
-
17:49, 9 қаңтар 2023
Месси мен Роналду бір-біріне қарсы ойнайды
-
23:49, 25 қараша 2022
Айдос Ербосынұлы қиын-қыстау сәтте өзіне тілекші болған баршаға сәлем жолдады
-
00:11, 4 қараша 2022
Ринат Жұмабаев шахматтан Азия чемпионы атанды
-
23:50, 3 қараша 2022
Бокстан АЧ-2022: Назым Қызайбай ширек финалға жолдама алды