Қазақстандық әскери спортшы панкратион бойынша әлем чемпионы атанды

Римдегі FEDERBOCCE спорт кешенінде панкратион бойынша әлем Чемпионаты өтті. Байрақты бәсекеде ҚР Қорғаныс министрлігі Армия орталық спорт клубының спортшысы Сәбит Жүсіпов 65 келі салмақ дәрежесі бойынша чемпион белдігін жеңіп алды.

Финалдағы ымырасыз жекпе-жекте әскери спортшы 2018 жылғы ресейлік әлем чемпионы Магомед Абдуллаевті сенімді түрде жеңді. Сайыста 200-ден астам мыңнан тұлпар, жүзден жүйрік қатысушылар бақ сынады.

- Панкратион – бұл қайта шыға бастаған спорт түрі. Ол еркін, грек-римдік күрес, самбо, дзюдо, бокс және басқада жекпе-жектің техникалық қимылдарын қолдануға рұқсат етілетін, ММА аралас жауынгерлік жекпе-жектің түп-тамыры болып саналадыһ, - деп атап өтті қоян-қолтық ұрыс бойынша АОСК команданың бастығы майор Мұрат Бижанов.