Қазақстан-Канада дипломатиялық қатынасының 25 жылдығына орай хоккей жарысы ұйымдастырылды
Канадада, әсіресе әлемнің ең суық астаналарының үштігіне кіретін Оттавада өзен қатқанда хоккей ойнайтын дәстүр бар. Өздері оны үлкен мереке санайды.
Мерекеге орай 150 матч жоспарланған. Қазақстан мен Канада арасындағы дипломатиялық қарым-қатынастың 25 жылдығына орай Есіл үстінде де жарыс ұйымдастырылды. Ұйытқы болған – Канаданың Қазақстандағы елшілігі.
Төтенше және өкілетті елші Шон Перри Стайл да коньки киіп, айдынға шықты. Оның командасы «Спартамен» қола медальды сарапқа салды. Жергілікті «Арлан» мен «Интер газ» финалда өнер көрсетті. Жарыс арасында «Барыс» хоккей клубының белді ойыншылары да шеберлік сабағын өткізді.
Найджел Доус, Дастин Бойд, Кэм Баркер, Кевин Пулин, Брендан Шинимин секілді канадалық саңлақтар Есілдің мұзында өрнек салды.
Найджел Доус, «Барыс» командасының шабуылшысы:
-Жас кезімізде ашық мұзда әбден ойнаушы едік. Он бес жылдай болыпты. Кәсіби айналысқан соң, кортта сырғанаймыз. Елшілік тарапынан ұсыныс түсіп, Есілге келдік. Әрине, мұзы кедір-бұдыр шығар, бірақ көңіл аспандап тұр.
Шон Перри Стайл, Канаданың Қазақстандағы Төтенше және өкілетті елшісі:
-Қазақстан мен Канада арасындағы дипломатиялық қарым-қатынастың 25 жылдығына осындай турнир ұйымдастырдық. Астана қаласы әкімдігі қолдау көрсетті. 24 әуесқой команда қатысты. Балалардан ересектерге дейін қатысты.
Источник: khabar.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:12, 15 маусым 2023
Александр Недовесов Нидерландтағы жарыстың жартылай финалына шықты
-
17:49, 9 қаңтар 2023
Месси мен Роналду бір-біріне қарсы ойнайды
-
23:49, 25 қараша 2022
Айдос Ербосынұлы қиын-қыстау сәтте өзіне тілекші болған баршаға сәлем жолдады
-
00:11, 4 қараша 2022
Ринат Жұмабаев шахматтан Азия чемпионы атанды
-
23:50, 3 қараша 2022
Бокстан АЧ-2022: Назым Қызайбай ширек финалға жолдама алды