«Канело» Головкиннің WBC белбеуіне таласпайтын болды

16:01, 21 маусым 2017
453

Мексикалық боксшы Сауль «Канело» Альварес алдағы жекпе-жекте қазақстандық Геннадий Головкиннің қай белбеулеріне үмітті екенін промоутерлерімен келіспеген сияқты.

Бұл туралы Vesti.kz хабарлады.

Головкин орта салмақтағы WBC, WBA (Super), IBF және IBO белбеулеріне ие. Ал «Канело» Бүкіләлемдік бокс кеңесі (WBC) басшылығымен жанжалдасып қалған еді. Мексикалық боксшының пікірінше, ұйым оның бұған дейін иеленіп тұрған белбеуді GGG-ге жекпе-жексіз беруге мәжбүр еткен.

«Біз IBF белбеуі үшін жұдырықтасамыз және жекпе-жек күні салмақ өлшейміз. WBC белбеуі бойынша әлі шешпедік», – деп келтіреді boxingscene.com порталы Golden Boy Promotions компаниясының промоутері Эрик Гоместің сөзін.

Алайда «Канело» бұл сөзбен келіспей, орнынан атып тұрып: «Жоқ, мен WBC үшін жұдырықтаспаймын», – деді.

Еске салайық, Головкиннің IBF белбеуіне Дэниэл Джйкобс үміткер болған жоқ еді. Осылайша ол ұйымның шарты бойынша бекітілген жекпе-жек күні болатын салмақ өлшеу рәсіміне келмей, орта салмақ лимитінен асып кеткен еді.

Еске салайық, Головкин-Альварес жекпе-жегі 16 қыркүйекке белгіленген. Бокс кеші T-Mobile аренасында өтеді.

Источник: khabar.kz


Подписывайтесь на наш Telegram-канал. Будьте в курсе всех событий!
Мы работаем для Вас!