Қанат Ислам жанкүйерлеріне арнап ашық жаттығу өткізеді

Бірінші орта салмақтағы WBO NABO және WBA Inter-Continental тұжырымдары бойынша әлем чемпионы Қанат «QAZAQ» Ислам (24-0, 19 КО) жанкүйерлеріне арнап ашық жаттығу жұмыстарын өткізеді.

Ашық жаттығу 20 тамыз күні сағат 18:30-да Халықаралық «Астана EXPO 2017» көрмесі аймағында өтеді. Жаттығу жұмыстарына Қанат Исламнан бөлек, Жанқош Тұраров, Жәнібек Әлімханұлы, Мейірім Нұрсұлтанов, Руслан Мырсатаев, Әли Ахмедов, Айдос Ербосынұлы, Димаш Ниязов және Руслан Жаңайбаев секілді боксшылар қатысады.

Еске салайық, «QAZAQ» өзінің келесі кездесуін 9 қыркүйек күні елордамыз Астана қаласындағы «Сарыарқа» спорт кешенінде өткізеді. Оның қарсыласы жеңіліп көрмеген канадалық Брэндон Кук (18-0, 11 КО) болады.

Источник: khabar.kz