Головкинге ресми түрде қарсылас тағайындалды

Халықаралық бокс федерациясы (IBF) орта салмақтағы өз чемпионы, казақстандық Геннадий Головкинді (40-1-1, 35 КО) атағын қорғау үшін жекпе-жек өткізуге міндеттеді, деп хабарлайды Vesti.kz.
Бұл туралы соңғы кездері GGG-мен жұмыс істеп жүрген промоутер Эдди Хирн (Matchroom Boxing) мәлімдеді.
Головкиннің келесі қарсыласы поляк боксшысы Камил Шеремета (21-0, 5 КО). Ол IBF титулына міндетті үміткер болып отыр. Кездесу ақпан айында жоспарланған (не 8-і не 29-ы күндері аталуда), ал өтетін жері ретінде Чикагодағы (АҚШ) Wintrust Arena аталуда.
- Мен Головкинмен келесі аптада бейсенбіде кездесіп, келесі жекпе-жегі туралы сөйлесеміз. Головкиннің міндетті қарсыласы бар, ол Камил Шеремета. IBF бұл жекпе-жекке рұқсат берді, - деді Хирн FightHub TV-ге берген сұхбатында.
Бұған дейін Головкин мен Шереметаның жекпе-жектің қаржылық талаптарының мәселесі бойынша келіскені хабарланған.
GGG-мен кездескені үшін поляк өз өміріндегі ең ірі гонорарын алады.
Головкин орта салмақтағы бос тұрған IBF және IBO белбеулерін 5 қазанда украиналық Сергей Деревянченконы (13-2, 10 КО) жеңгеннен кейін иеленді.
Шеремета сол кештің андеркартесінде жекпе-жек өткізген. Поляк екінші раундта мексикалық Оскар Кортесті нокаутқа жөнелтіп, IBF титулына үміткер атанды.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
20:16, 26 қараша 2020
«Астана» спорт клубының ұсақ басшыларына қатысты іс сотқа жолданды
-
18:02, 20 қараша 2020
Айсамал Сансызбаева қыздар арасындағы Кубоктың үздік спортшысы деп танылды
-
16:38, 17 қыркүйек 2020
Қазақ футболы ФИФА рейтингінде әлі 118-ші орында тұр
-
22:48, 24 тамыз 2020
Зайнутдинов «Ростовты» тастап, мәскеулік ЦСКА-ға кетті
-
16:44, 23 тамыз 2020
Жаңа бапкер тағайындалған «Барыс» командасы алғашқы матчта жеңіске жетті
Пікір