Г.Головкин мен Қ.Ислам Астанада бір күнде өтетін бокс кешінде кездесу өткізуі мүмкін
Мәдениет және спорт министрі гонорарлар және шоудың өтетін орны жайлы айтып берді.
Мәдениет және спорт министрі Арыстанбек Мұхамедиұлы биыл жазда Астанада EXPO-2017 көрмесінің аясында өтетін бокс кешіне дайындықтың қалай жүріп жатқаны жайлы айтып берді.
«Қазір біз келіссөз жүргізіп жатырмыз. Геннадий Головкинмен EXPO өкілдері, ал Қанат Исламмен Мәдениет және спорт министрлігінің өкілдері келісіп жатыр. Біз үздік боксшыларымызды жинауға тырысамыз», – деді А.Мұхамедиұлы.
Сонымен қатар оның айтуынша, министрлік өкілдері Қанат Исламның промоутерімен кездесіпті.
«Қазір ол боксшының кіммен жұдырықтасатынын анықтап жатыр және Әлемдік федерациямен келіссөз жүргізіп жатыр. Мәлімет болса, дереу хабарлаймын», – дейді министр.
Сондай-ақ министр бокс кешінде қанша жекпе-жек өтетінін айтты.
«Бұл іспен промоутерлер айналысады. Бірақ біз ең мықты қазақстандықтарды жинауға тырысамыз. Боксшылардың өзі дайын, бірақ оларға лайықты қарсылас таңдау қиын. Себебі жекпе-жектер өте қызық болады. Айта кетейік, біздің боксшылар гонорарсыз жұдырықтасуға дайын. Бокс кешінің қайда өтетінін әлі қарастырамыз. «Астана-Арена» бар, велотрек бар, онда 10 мың адамға орын бар. Осы екі нысанның бірінде өтеді», – деді министр.
Еске салайық, осыған дейін 10 маусымда EXPO-2017 аясында WBA (Super), IBO, WBC және IBF тұжырымдары бойынша Әлем чемпионы қазақстандық боксшы Геннадий Головкин (36-0, 33 КО) мен WBO бойынша белбеу иегері, ағылшын боксшысы Билли Джо Сондерс (24-0, 12 КО) кездеседі деген ақпарат тараған еді.
EXPO баспасөз қызметіндегілер келіссөздердің жүргізіліп жатқанын мәлімдеген.
Источник: khabar.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:12, 15 маусым 2023
Александр Недовесов Нидерландтағы жарыстың жартылай финалына шықты
-
17:49, 9 қаңтар 2023
Месси мен Роналду бір-біріне қарсы ойнайды
-
23:49, 25 қараша 2022
Айдос Ербосынұлы қиын-қыстау сәтте өзіне тілекші болған баршаға сәлем жолдады
-
00:11, 4 қараша 2022
Ринат Жұмабаев шахматтан Азия чемпионы атанды
-
23:50, 3 қараша 2022
Бокстан АЧ-2022: Назым Қызайбай ширек финалға жолдама алды