Қазақстан Өзбекстанмен энергетика және су мәселелері бойынша келісімге келді
Елбасының Өзбек еліне жасаған бұл жолғы мемлекеттік сапары да тарихта қалары сөзсіз.
Естеріңізде болса, сенбі күні Астана мен Ташкент арасында 10 құжат бекіген еді. Екі жақ сауда-экономика, мәдени-гуманитарлық салалардан бастап, тұтас аймақ үшін маңызды саналатын энергетика, су мәселелері бойынша келісімге келді. Соңғы бір жылда өзара сауда-саттық 1,5 млрд АҚШ долларын еңсерген. 2020 жылға дейін бұл көрсеткішті 5 млрд долларға жеткізу жоспарланып отыр. Белгілі тарихшы Камал Бұрханов: «Осы жолғы келісімдер аталған мақсатты орындауға зор септігін тигізеді», – дейді.
Қамал Бұрханов, Саяси, әлеуметтік және тарихи зерттеулер институтының директоры :
-Сырдария Қырғызстаннан басталса, Өзбекстанға кіреді. Өзбекстаннан шығады да, Тәжікстанға барады. Тәжікстаннан шығып, Өзбекстанға барады, содан кейін бізге келеді. Сондықтан ол – мәселе. Су бір, өзен бір. Біреуге аз, біреуге көп керек. Осы төңіректе үлкен шешім қабылданды. Су мәселесін, транзитті, адам қарым-қатынасын да ортақтасып шешейік. Халыққа да, мемлекетке де, экономикамыздың дамуына да бұл сапардың әсері үлкен деп ойлаймын.
Саят Жөкенұлы, халықаралық шолушы:
-Өзбекстан мен Қазақстан арасында сауда-экономикалық байланыс жылдан жылға артып келеді. Мәселен 35%-ға артты деп айтылып жатыр. Бұл да өте маңызды мәселе. Себебі Өзбекстан мен Қазақстан арасындағы байланыс үлкен нарық қалыптастыра алады. Адам саны жағынан да, ішкі алыс-беріс жағынан да қазақ-өзбек қатынасы әлі дамиды деп ойлаймын.
Леся Қаратаева, ҚР Президенті жанындағы ҚСЗИ бас ғылыми қызметкері:
-Мемлекет басшылары қол жеткізген көрсеткіштер екі елдің әлеуетін толық қамтымайды деп атап өтті. Нәтижесінде екіжақты қарым-қатынастарды дамыту жөніндегі үкіметаралық бірлескен комиссияға сауда-экономикалық әлеуетті арттыру жүктелді. Бұл шекарадағы жіберу пунктерінің жұмысын жетілдіру және жаңа көлік дәліздерін құру барысында жүзеге асады. Мемлекет басшыларының кездесуінде аса мән берілген тағы бір мәселе – су қауіпсіздігі. Су ресурстары аймақтағы елдердің байлығы саналады. Тараптар: «Суға қатысты мәселелер ортақ келісім аясында шешілуі тиіс», – деп атап өтті.
Источник: khabar.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
21:56, 10 желтоқсан 2021
Тоқаев Түркияның Әділет және даму партиясы төрағасының орынбасарын қабылдады
-
16:13, 10 желтоқсан 2021
Нұрлан Нығматулин Думаның бірінші вице-спикерін қабылдады
-
12:38, 8 желтоқсан 2021
Дариға Назарбаева Шавкат Мирзиёевпен кездесті
-
09:10, 8 желтоқсан 2021
Мамин Қырғызстан үкіметінің басшысымен келіссөз жүргізді
-
21:39, 5 желтоқсан 2021
Өзбекстан Президенті мемлекеттік сапармен Нұр-Сұлтанға келіп жетті