Зиялы қауым Алматыдағы Абай ескерткішіне гүл шоқтарын қойды

17:34, 10 тамыз 2020
80

Алматы қаласында зиялы қауым өкілдері Абай ескерткішіне гүл шоқтарын қойды, деп хабарлайды ҚазАқпарат.

Шара Абай алаңында өтті. Оған шаһар басшысы Бақытжан Сағынтаев, белгілі қаламгерлер Олжас Сүлейменов, Мұрат Әуезов, Роллан Сейсенбаев, Бақытжан Қанапянов қатысты.

Абай – ұлы ақын, дана ойшыл, қазақтың жаңа тарихи дәуірдегі реалистік жазба әдебиетінің атасы. Абай есімі – қазақ халқының ұлттық санасының оянуы мен рухани қайта жаңғыруының, қоғамның озық күштерінің өркениеттілікке ұмтылысы мен әлеуметтік әділдіктің символы.

Бұған дейін, қазақтың ұлы ақынның 175 жылдық мерейтойына орай ҚР Мемлекеттік хатшысы Қырымбек Көшербаев бастаған бір топ мемлекет және қоғам қайраткері елордадағы Абай ескерткішіне салтанатты жағдайда гүл шоқтарын қойған болатын.

Айта кетелік, Қазақстан Үкіметінің қаулысымен 10 тамыз Абай күні болып белгіленді.


Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!

Пікір