Желіде тараған 12 ИВЛ аппараты туралы хабарды Атырау облысының бас дәрігері түсіндірді

18:05, 14 шілде 2020

Барлығы 115 екен: Атырау облысының бас дәрігері Нұрлыбек Қабдықапаров әлеуметтік желідегі 12 ИВЛ аппарат туралы ақпаратқа түсінік берді, деп хабарлайды zakon.kz.

"Нұрлыбек Қабдықапаровтың айтуынша, Денсаулық сақтау министрлігінің есебінде көрсетілген 12 ИВЛ аппарат Атыраудағы инфекциондық стационарға тиесілі. Яғни, бұл аппараттар №2 Атырау облыстық ауруханасының реанимациясында орнатылған" деп хабарлайды облыстық коммуникациялар қызметі.

"Қазіргі уақытта Атырау қаласындағы аталмыш инфекциондық стационарда 12 реанимациялық кереует бар. Соған сәйкес, 12 реанимациялық керует 12 ИВЛ аппаратпен жабдықталып отыр.
Ал, облыстық ауруханадағы провизорлық орталық 14 ИВЛ аппаратпен жабдықталды. Сонымен бірге, перинаталдық орталық, облыстық балалар ауруханасы да арнайы балаларға арналған ИВЛ аппараттармен қамтамасыз етіліп отыр. Қазіргі уақытта Атырау облысындағы емдеу орындарында 115 ИВЛ аппарат бар. Алдағы уақытта қажетті ИВЛ аппараттар саны демеушілік есебінен көбейеді деп күтілуде", деді Атырау облысы денсаулық сақтау басқармасы басшысы Нұрлыбек Қабдықапаров.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!