«Жансақтау бөліміне жатқызды»: Мейрамбек Беспаевтың жұбайы үшінші босануы жайлы егжей-тегжейлі айтып берді

2024 жылдың 26 қыркүйегінде танымал әнші, "МузАрт" тобының негізін қалаушы және солисті Мейрамбек Беспаевтың әйелі - Мархабат Instagram желісінде оқырмандарының үшінші босануына қатысты қойған сұрақтарына жауап берді, деп хабарлайды Zakon.kz.

Мархабаттың айтуынша, нәрестеге есім әлі таңдалмаған.

"Есімін әлі қоймадық. Таңдаудамыз, әдемі есімдеріңіз болса жіберіңіздер",- деп жазды ол stories-те.

Ол сондай-ақ екі үлкен баласын өзі босанғанын, ал үшіншісінде медициналық көрсеткіштерге байланысты кесір тілігін жасауға тура келетінін айтты.

Беспаевтың әйелі атап өткендей, табиғи босану мен кесір тілігінің арасындағы айырмашылық – "жер мен көктей".

"Өзің босансаң, сол кезде ғана қиналасың. Келесі күні аттай шауып кетесің. Кесір тілігі болса, жансақтау бөлімінде жатасың. Келесі күндері де отырып, тұруың қиынға соғады. Бірақ әркім әрқалай бастан өткереді ғой ". Мархабат Беспаева

Оқырмандарының бірі жүкті бола алмай жүргенін айтып, Мархабаттан қай жерде емделгеннін сұрады.

"Мен арнайы емделіп, дайындалған жоқпын. ЭКО жасатқан жоқпын. Бұл Алланың бізге берген үлкен сыйы",-деп жазды ол.

23 қыркүйекте 47 жастағы Мейрамбек Беспаевтың үшінші мәрте әке атанғанын жазған едік.