Жаңаөзен қалалық сотының судьясы пара алғаны үшін сотталды

Маңғыстау облысының сыбайлас жемқорлыққа қарсы қызметі Жаңаөзен қалалық сотының судьясы А.С. Сейлхановаға және аталған қала әкімдігінің ТКШ бас маманы А.Е. Ақназаровқа қатысты сыбайлас жемқорлық қылмыс жасады деген күдік бойынша сотқа дейінгі тергеуді аяқтады, деп хабарлайды Zakon.kz.

Сейлханова А.С. Жаңаөзен қалалық жер қатынастары бөлімінің талап арызын қараусыз қалдыру туралы өкім шығарғаны үшін азамат А.Е. Ақназаров арқылы 500 мың теңге көлемінде пара алды деген күдікке ілінген болатын.

Бұл фактіні сыбайлас жемқорлыққа қарсы қызмет ішкі қауіпсіздік және Жоғарғы Соттағы сыбайлас жемқорлықтың алдын алу бөлімімен бірлесіп анықтады.

Ағымдағы жылдың 17 қазанында Ақтау қалалық сотының үкімімен: А.С. Сейлханова сотталып, оған 3 жыл мерзімге бас бостандығынан айыру жазасы тағайындалды.

Осы сот үкімімен А.Е. Ақназаров та сотталып, оған 1 жыл бас бостандығынан айыру жазасы белгіленді.

Аталған тұлғалар мемлекеттік қызметте лауазымды қызметпен айналысу құқығынан өмір бойына айырылды.