Жамбыл облысының 79 жастағы тұрғыны коронавирусты жеңіп шықты
Жуалы ауданы Қайрат ауылының 79 жастағы тұрғыны коронавирус белгілері бойынша жедел жәрдеммен Жамбыл облыстық көпбейінді балалар ауруханасына жеткізілген, деп хабарлайды zakon.kz.
Қабылдау барысында науқастың жағдайы өте ауыр болған. Дене қызуы 38,5 градусқа дейін көтеріліп, тыныс алу қиындап, саусақтары мен еріндері көгеріп, оттегі сатурациясы — 89 пайызды құраған.
Медициналық тексеру кезінде Аманжол Дүрәліұлында ауыр дәрежелі COVID-19, екі жақты вирустық пневмония, тыныс алу жеткіліксіздігінің үшінші сатысы анықталған.
Ақсақалдың қосымша созылмалы аурулар бар. Атап айтсақ, жүректің ишемиялық ауруы, ишемиялық кардиомиопатия, жүрек жеткіліксіздігі және үшінші сатыдағы гипертензия. 2019 жылы ол жедел миокард инфарктісін бастан өткерген. Тәуекел тобы өте жоғары.
Қария екі күн жансақтау бөлімінде болып, ӨЖЖ аппаратына қосылған. Дәрігерлердің нақты және үйлесімді әрекетінің арқасында ол вирусты жеңіп, толық айығып, ауруханадан шығарылды.
Аманжол ата медицина қызметкерлеріне ризашылығын жеткізіп, денсаулық, ұзақ ғұмыр тіледі.
"Алла сіздердің игі істеріңіз бен адал еңбектеріңізді еселеп қайтарсын. Отбасыларыңыз аман, еліміз тыныш болсын", - деді ол.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:58, 18 сәуір 2024
Еліміздің солтүстігінде ауыл тұрғындарын эвакуациялау әлі жалғасуда
-
22:42, 18 сәуір 2024
ШҚО-да есігі жоқ көлікті тізгіндеген жүргізуші жауапқа тартылды
-
22:33, 18 сәуір 2024
Иран Израильге қарсы жүргізілген операция аяқталғанын мәлімдеді
-
21:35, 18 сәуір 2024
Бектенов: Қазақстан Үкіметінің күш-жігерін Еуроодақтың қолдау бағдарламаларымен үйлестіру маңызды
-
21:29, 18 сәуір 2024
56 млн теңгенің контрабандасы бойынша күдікке ілінген ер адам Түркиядан Қазақстанға жеткізілді