Жамбыл облысында жеңіл көлік жүргізушісі жылқының кесірінен көз жұмды

Қордай ауданындағы тас жолда көлік жылқыға соғылды, деп хабарлайды zakon.kz.

Биылғы жылдың 18 қазанында сағат 20:45 шамасында Батыс Еуропа-Батыс Қытай автожолының 171 шақырымында Тараздан Алматыға қарай шығыс бағытта бет алған 1978 жылғы Түркістан қаласының тұрғыны Toyota Camry көлігінің жүргізушісі жылқыны қақты. Жол -көлік оқиғасы салдарынан жүргізуші алған көптеген жарақатынан оқиға орнында қайтыс болды, - деп хабарлады Жамбыл облыстық ПД баспасөз қызметі.

Екі жолаушы түрлі дене жарақаттарымен Қордай ауылындағы орталық аудандық ауруханаға жеткізілді.

Тексеруден кейін көлік Қордай ауылындағы мамандандырылған автотұраққа қойылды.

Қазір тергеу жүріп жатыр.