ЮНИСЕФ алматылық балаларға көмек көрсетеді

11:58, 21 қаңтар 2022

© Сурет: pixabay

ЮНИСЕФ ҚР Адам құқықтары жөніндегі уәкілдікпен бірігіп, Алматы қаласында балаларға арналған 500 азық-түлік пен оқу құралдарының жиынтығын береді, деп хабарлайды Zakon.kz.

Жиынтықтарды тұрмысы төмен отбасылардың мектепке дейінгі және мектеп жасындағы балалар алады. Жиынтықтың жартысынан көбін оқушыларға беріледі.

Оқу жиынтықтарында баланы дамытуға арналған кітаптар, сурет салу құралдары сияқты аса қажетті заттар болады.

Қаңтар айында Қазақстанда болған көтеріліс балалардың тыныштығына, көңіл-күйіне әсер еткені өкінішті. Бірінші тұрмысы төмен отбасыларды қолдау керек, сондай-ақ балалардың білім алуы мен дамуына ешнәрсе кедергі болмауы тиіс. ЮНИСЕФ Қазақстанда барлық балаға қажетті көмекті беру үшін тиісті мемлекеттік құрылымдармен біріге отырып, жұмыс істейді.ЮНИСЕФ-тің Қазақстандағы өкілі Артур ван Дизен

Сатып алу мен бөлуді ұйымдастыру Алматы қаласының әкімдігі, "Қызыл Жарты Ай" қоғамы мен "Родник" ҮЕҰ-мен бірлесіп жүзеге асырады.

Айта кетейік, Біріккен Ұлттар Ұйымы жанындағы балаларға көмек көрсетудің халықаралық төтенше қоры (ЮНИСЕФ) 1946 жылы Екінші дүниежүзілік соғыс аяқталғаннан кейін құрылды. Қор әлемдегі әрбір баланың ештеңеге мұқтаж болмай, лайықты өмір сүріп, сапалы білім алуы үшін жұмыс істейді.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!